Plantacións Forestais
O Concello de Frades dispón dunha importante superficie de terreo dedicado a monte, que desempeña un papel fundamental, tanto dende o punto de vista económico como ambiental, social e cultural.
A masa arborada do concello garante o aproveitamento dos recursos forestais e da madeira e frea o abandono do rural permitido a fixación de poboación no concello.
O sector forestal ten una importante influencia na economía do concello, porque xunto coas explotacións gandeiras é o sector que máis emprego directo e indirecto xera.
O monte ademais de importancia económica e social, ten unha función medioambiental que aumenta progresivamente, xa que é un depósito de carbono e axuda ao cumprimento de compromisos adquiridos no protocolo de Quioto. Os bosques tamén serven para o mantemento da riqueza e da biodiversidade da nosa flora e da nosa fauna, da protección do solo, da paisaxe, dos sistemas hidrolóxicos e de todos os ecosistemas que alberga.
Polo tanto, debemos realizar actuacións tendentes a previr e reducir a degradación do monte e a fomentar a súa restauración e paliar a sobreexplotación condicionando e preservando a masa forestal e realizando unha xestión sustentable.
O monte é un espazo que determina a paisaxe e a identidade e ten un compoñente social de recreo, encontro e lúdico dos veciños. Deberase compatibilizar a funcionalidade medioambiental, social e estética dando beneficios intanxibles aproveitados por todos e beneficios directos correspondentes os titulares do mesmo.
Os montes deberanse perpetuar no tempo, mellorado no posible as súas condicións.
Dende o concello perséguese facilitarlle aos propietarios dos montes o manexo sustentable dos recursos, achegando solucións para a adecuada xestión técnica optimizando as actividades forestais sen menoscabo dos dereitos dos propietarios e dos intereses colectivos de todos.
Para o aproveitamento e xestión dos montes temos unha ordenanza publicada o 23 de agosto de 2012, que regula as plantacións forestais, depósito, carga e transporte de madeira.
Servizos
Para a solicitude dos servizos que dispón o concello pode descargar os impresos que se amosan a continuación.